ក្នុងក្បូនឱសថបូរាណ ក៏ដូជាវេជ្ជសាស្ត្រទំនើប បានវិភាគឃើញថា ខ្ទឹមសពិតជាមានគុណប្រយោជន៍ដ៏ច្រើន។ ដើម្បីព្យាបាលការក្អកធ្ងន់ធ្ងរ គប្បីអនុវត្តតាមរបៀបខាងក្រោមនេះ៖
១- ខ្ទឹមស និងទឹកឃ្មុំ
-យកខ្ទឹមស ៤ ប្រាំកំពិស លាងឲ្យស្អាត រួចដំតិចៗឲ្យបែក ដាក់ក្នុងចានលាយនឹងទឹកឃ្មុំប្រហែល ៣-៤ ស្លាបព្រាបាយ រួចយកទៅចំហុយ
-បន្ទាប់ពីចំហុយវាប្រមាណ ១៥ នាទី ទុកវាឲ្យត្រជាក់ រួចផឹក១ថ្ងៃ ៣ ដង ១ដងប្រហែល ២ ស្លាបព្រាកាហ្វេ
-ប្រមាណ ៣០ នាទី ក្រោយពេលផឹកវា នោះអ្នកនឹងបាត់ក្អក ក៏ដូចជាជួយឲ្យការរលាកបំពង់កថយចុះ ស្លេះក៏ហូរចេញ
-គប្បីផឹកវាអំឡុងពេល ៣ ថ្ងៃ ដើម្បីឲ្យការក្អក រលាក បាត់ទាំងស្រុង
២- ខ្ទឹមស ចំហុយជាមួយអំបិល ឬស្ករស
-ប្រើខ្ទឹមស ២-៣ កំពិស សំរាប់ក្មេង, ៧-៨ កំពិស សំរាប់មនុស្សចាស់
-យកខ្ទឹមដំឲ្យបែកៗ បន្ថែមអំបិលបន្តិច រួចលាយជាមួយទឹកបន្តិច ហើយដាក់ចំហុយប្រមាណ ១៥នាទី
-ផឹក១ថ្ងៃ ៣ដង ប្រសិនបើអាការៈក្អកធ្ងន់ធ្ងរ
-ថ្ងៃបន្ទាប់ធ្វើបែបនេះដដែល គ្រាន់តែបន្ថែមស្ករ១ស្លាបព្រាកាហ្វេ ទៅ ២ ស្លាបព្រាកាហ្វេ
-អ្នកអាចពុំចាំបាច់ចំហុយវាក៏បាន ដោយគ្រាន់តែរម្ងាស់វាប្រើភ្លើងតិចៗ ឲ្យល្បាយទឹកនេះនៅសល់ ២/៣ គឺប្រើបានហើយ។
