ប្រសិនបើអ្នកកង្វះអនាម័យមាត់ធ្មេញនោះបាក់តេរីក្នុងមាត់ធ្មេញនឹងឆ្លងរាលដាលបណ្ដាលអោយអ្នកអាចប្រឈមនឹងបញ្ហា និងជំងឺមួយចំនួនបាន៖
១.ធ្វើអោយអញ្ចាញធ្មេញហើមរលាក និងងាយចេញឈាម ហើយបង្កជាបាក់តេរីជាច្រើនឆ្លងចូលតាមសរសៃឈាមទៅកាន់ភ្នាសកោសិកាបេះដូង ធ្វើអោយប៉ះពាល់ដល់លំហូរឈាមបេះដូង។ ជាលទ្ធផលសម្ពាធឈាមនឹងកើនឡើង ធ្វើឲ្យយើងប្រឈមហានិភ័យខ្ពស់នៃជំងឺដាច់សរសៃឈាមខួរក្បាល និងជាពិសេសជំងឺបេះដូងដូចជា គាំងបេះដូងភ្លាមៗជាដើម។
២.បាក់តេរីក្នុងមាត់នឹងឆ្លងទៅកាន់សួតតាមរយៈការដកដង្ហើមចេញចូល និងអញ្ចាញធ្មេញដែលមានចេញឈាម ដែលបង្កអោយមានជំងឺមួយចំនួនទាក់ទងនឹងប្រព័ន្ធដង្ហើម ព្រមទាំងជំងឺរលាកសួត និងទងសួត។
៣.ប្រឈមនឹងជំងឺទឹកនោមផ្អែម ដោយសារតែអញ្ចាញធ្មេញដែលជាភ្នាក់ងារមួយជួយគ្រប់គ្រងបរិមាណជាតិស្ករស្រូបពីចំណីអាហាររងផលប៉ះពាល់បណ្ដាលមកពីកង្វះអនាម័យមាត់ធ្មេញ។
៤.កង្វះអនាម័យមាត់ធ្មេញ ដែលធ្វើឲ្យអញ្ចាញធ្មេញរងផលប៉ះពាល់ធ្ងន់ធ្ងរ អាចបណ្ដាលអោយយើងកើតជំងឺមហារីកមួយចំនួន ដូចជា ជំងឺមហារីកសួត លំពែង និងតំរងនោមជាដើម។
ចំណាំ៖ បញ្ហាឈឺធ្មេញ ឈឺអញ្ចាញធ្មេញ ក្លិនមាត់មិនល្អ និងធ្មេញឡើងពណ៌លឿង សុទ្ធតែបណ្ដាលមកពីកង្វះអនាម័យមាត់ធ្មេញផងដែរ ដូច្នេះយើងគួរតែអនាម័យមាត់ធ្មេញអោយបានល្អជាប្រចាំថ្ងៃ។ សូមពិគ្រោះជាទន្តពេទ្យ ឬពេទ្យធ្មេញ ដើម្បីអោយបានដឹងកាន់តែច្បាស់លាស់៕
អត្ថបទដោយ៖ ផ្សារកសិកម្មយើង-Our Agricultural Market
សូមរក្សាទម្រង់អត្ថបទរបស់ខ្ញុំរាល់ប្រភពដែលយកទៅចែកចាយបន្ត។
