ដូងក្រៅពីគេកាប់វាហូបទឹកនិងពិសារសាច់ដ៏ឆ្ងាញ់របស់វាគេអាចយកដូងទៅធ្វើនំ(ដូងទុំធ្វើជាចាហួយនិងយកទៅធ្វើគ្រឿងផ្សំផ្សេងៗទៀត។ ចាហួយដូងដែលបងស្រីរៀបរាប់ថា គាត់លល់ដាច់៣ពាន់គ្រាប់ក្នុងមួយថ្ងៃ

មើលរបៀបធ្វើចាហួយដូង

#គ្រឿងផ្សំ :

-ស្ករស ២ ស្លាព្រាបាយ

-ម្សៅចាហួយ ១ ស្លាព្រាបាយកន្លះ

-ដូងខ្ចី ១ ផ្លែ

-អំបិល ១ ចឹប

-ខ្ទិះដូងដំបូង ១ កូនចាន

#វិធីធ្វើ :

១. អ្នកត្រូវចិតសំបកដូងជាមុនសិន បន្ទាប់មកធ្វើការកាប់មុខដូងដើម្បីយកទឹកចេញ ប៉ុន្តែសូ ប្រយ័ត្នកុំឲ្យដាច់ដើម្បីទុកជាគម្រប ហើយប្រើខ្នោសកោសយកសាច់ចេញ។
២. បន្ទាប់ពីកោសសាច់ចេញរួច អ្នកត្រូវចាក់ទឹកដូងចូលទៅក្នុងឆ្នាំងមួយ បន្ទាប់មក ចាក់ អំបិល ស្ករ ព្រមទាំងម្សៅចាហួយមួយស្លាព្រាចូល កូរឲ្យសព្វ ហើយយកទៅដាក់ដាំឲ្យពុះ នៅក្នុងអំឡុងពេលដាំអ្នកត្រូវកូរវាឲ្យជាប់ដើម្បីកុំឲ្យវាកក បាតក្រោម។
៣. បន្ទាប់ពីដាំពុះហើយ អ្នកត្រូវយកវាមកដាក់ក្នុងដូង ហើយបន្ថែមសាច់ដូងដែលអ្នកកោសទុកនោះចូល រួចចាំចាក់ខ្ទិះ រង់ចាំឲ្យត្រជាក់បន្តិចជាការស្រេច ។

ស្តាប់បងស្រីអ្នកលក់ចាហួយដូងរៀបរាប់៖

មើលវីដេអូពីរបៀបធ្វើចាហួយដូង៖

ប្រភព៖ khsharefb

*គ្រឿងផ្សំ

-ប្រទាលកន្ទុយក្រពើ

-ស្លឹកតយ(ដាក់ក៏បាន មិនដាក់ក៏បាន)

-ស្ករស

-អំបិល។

*វិធីធ្វើ

– យកប្រទាលកន្ទុយក្រពើមកចិតបន្លាទាំងសងខាង ចេញ បន្ទាប់មកចិតយកសម្បកចេញឲ្យអស់ទុកតែ សាច់សៗ

– យកសាច់ប្រទាលកន្ទុយក្រពើមកហាន់ជាចំណិតតូចៗ ឬកាត់ជាដុំៗប៉ុនចាហួយដូង រួចយកទៅលាង យកជ័រចេញឲ្យអស់ឲ្យបានច្រើនទឹក បន្ទាប់មកស្រង់ដាក់ក្នុងកញ្ច្រែងទុកមួយអន្លើ

– ដាក់ទឹកដាំក្នុងឆ្នាំង សមល្មមតាមចំនួនប្រទាល។ បើមានស្លឹកតយ អាចដាក់ស្លឹកតយពីរបី សន្លឹកទៅក្នុងឆ្នាំង ដើម្បីឲ្យមានក្លិនល្អ

– ពេលទឹកពុះ ចាក់ស្ករសចូលឲ្យផ្អែមសមល្មមតាមចំណង់ចំណូលចិត្ត ហើយដាក់អំបិលមួយចិប

– ចាក់សាច់ប្រទាលកន្ទុយក្រពើចូល រង់ចាំឲ្យពុះម្តងទៀត ហើយលើកចុះទុកឲ្យត្រជាក់ សឹមដួសដាក់ដបក្លាស្សេទុកបរិភោគបានយូរថ្ងៃ៕

ប្រភព៖ សៀវភៅបៃតងសុខភាព

គុណប្រយោជន៍ប្រទាលកន្ទុយក្រពើ ចំពោះសុខភាព!

ប្រទាលកន្ទុយក្រពើ គឺជារុក្ខជាតិឱសថដ៏ល្អមួយប្រភេទ។ គុណប្រយោជន៍នេះ មិនកំណត់ទៅលើតែឱសថរុក្ខជាតិតែប៉ុណ្ណោះទេ ប្រទាលកន្ទុយក្រពើត្រូវបានមនុស្សប្រើប្រាស់ នៅក្នុងផលិតផលថែសម្ភស្ស និងគ្រឿងសំអាងកាយផងដែរ។

រុក្ខជាតិដ៏មានប្រយោជន៍ខ្ពស់នេះ ត្រូវបានមនុស្សប្រើប្រាស់ ដើម្បីគុណប្រយោជន៍ផ្សេងៗជាច្រើន តាំងពីសម័យ បុរាណកាលមកម្ល៉េះ ។ ខាងក្រោមនេះ គឺជាគុណប្រយោជន៍មួយចំនួន នៃប្រទាលកន្ទុយក្រពើ ៖

ព្យាបាលបញ្ហាស្បែក ៖ ជាតិអន្ធិលរបស់ប្រទាលកន្ទុយក្រពើ មានប្រសិទ្ធភាពល្អប្រសើរខ្លាំងណាស់ សម្រាប់ព្យាបាលការលាកពីពន្លឺព្រះអាទិត្យ ព្យាបាលស្នាមសំឡាក និងដំបៅ ជំងឺរលាកស្បែក និងសត្វល្អិតទិច ឬខាំ។ រុក្ខជាតិនេះអាចយកទៅទទួលទាន និងលាបលើស្បែកផ្នែកខាងក្រៅបានដែរ។

កាត់បន្ថយកម្រិតកូឡេស្ដេរ៉ូល ៖ ប្រទាលកន្ទុយក្រពើ គឺមានប្រសិទ្ធភាពប្រសើរ សម្រាប់រក្សាកម្រិតកូឡេស្ដេរ៉ូល ដោយការកាត់បន្ថយសារធាតុ triglycerides។ លើសពីនេះទៅទៀត ដោយសារការជួយធ្វើឱ្យមានលំនឹងនៃការបញ្ចេញថាមពលរបស់មនុស្ស ការកាត់បន្ថយកម្រិតលីពីតឈាម និងការជួយដុតកម្ទេចជាតិខ្លាញ់ ទើបធ្វើឱ្យប្រទាលកន្ទុយក្រពើមានប្រសិទ្ធភាពសម្រាប់ការសម្រកទម្ងន់។

កាត់បន្ថយការរលាក ៖ មនុស្សជាច្រើននិយាយថា ការទទួលទានទឹកប្រទាលកន្ទុយក្រពើ ក្នុងរយៈពេល ២សប្ដាហ៍អាចជួយកាត់បន្ថយអាការៈរលាកនៅក្នុងរាងកាយមួយចំនួន ដូចជា ជំងឺរលាកសន្លាក់ អាការៈរលាកត្រចៀក ភ្នែក និងជំងឺរលាកសន្លាក់ឆ្អឹង។ ការលាបជាតិអន្ធិលរបស់ប្រទាលកន្ទុយក្រពើ នៅលើស្បែកផ្នែកខាងក្រៅ អាចជួយកាត់បន្ថយការឈឺចាប់សាច់ដុំ និងគន្លាក់ឆ្អឹង។

ព្យាបាលបញ្ហារំលាយអាហារ ៖ តើអ្នកកំពុងមានបញ្ហារំលាយអាហារមែនទេ? ចូរទទួលទានទឹកប្រទាលកន្ទុយក្រពើពីព្រោះវាមានប្រសិទ្ធភាពកាត់បន្ថយ ជំងឺរលាកពោះវៀនធំ បញ្ហាអាស៊ីដក្នុងក្រពះ និងជួយឱ្យកម្រិតជាតិបាសនៅក្នុងរាងកាយមានលំនឹង។ ដោយសារគុណសម្បត្ដិថ្នាំបញ្ចុះរបស់វា ទើបធ្វើឱ្យវាមានលក្ខណៈល្អប្រសើរ សម្រាប់អាការៈទល់លាមក។

ល្អសម្រាប់ជំងឺទឹកនោមផ្អែម ៖ ប្រទាលកន្ទុយក្រពើ គឺល្អប្រសើរសម្រាប់អ្នកជំងឺទឹកនោមផ្អែម ពីព្រោះវាជួយគ្រប់គ្រងជាតិស្ករនៅក្នុងឈាម និងមានសមត្ថភាព ប្រែត្រឡប់ភាពស្អិតរបស់ឈាម ជាហេតុធ្វើឱ្យចរន្ដឈាមដំណើរការបានស្រួល។

គុណប្រយោជន៍ប្រឆាំងនឹងភាពចាស់នៃប្រទាលកន្ទុយក្រពើ អាចជួយរក្សាស្បែកឱ្យទន់លោង និងធ្វើឱ្យស្បែកក្មេងជាងវ័យ និងបំបាត់ភាពស្រអាប់លើស្បែក។ វាមានប្រសិទ្ធភាពធ្វើឱ្យស្បែកមានសំណើម ជួយបណ្ដុះកោសិកាស្បែកខូច និងបំបាត់ស្នាមជ្រួញលើស្បែក៕

ប្រភព៖ អ៊ាង សុផល្លែត