តារាសម្តែង ជែក គីចាន់ ឬ ហៅថា ឈិនឡុង បានទទួលនាវាកម្សាន្តលំដាប់កំពូលទើបទិញរបស់គាត់ហើយ ដែលបំពាក់មកជាមួយនូវកន្លែងចុះចតឧទ្ធម្ភាគចក្រ និងកន្លែងសូណាមួយ។
តារាភាពយន្តវ័យ ៦០ ឆ្នាំមកពីហុងកុងរូបនេះបានជ្រើសរើសយកនាវាដែលមានប្រវែង ៣៨ ម៉ែត្រ ផលិតដោយក្រុមហ៊ុនចិន Ruiying Yachts ។
នាវាប្រណីត ដែលមានកម្ពស់ ៣ ជាន់ និងម៉ាស៊ីនម៉ាស៊ូតកម្លាំង ១.៩០០ សេះនេះថែមទាំងមានបន្ទប់កម្សាន្តខារ៉ាអូខេ រោងកុន អាងទឹកក្តៅ និងកន្លែងហាត់ប្រាណដើម្បីឱ្យភ្ញៀវរវល់ខ្លាំងពេលកំពុងធ្វើដំណើរទៀតផង។
ទោះបីជាព័ត៌មានលម្អិតអំពីនាវារបស់លោកជែកគីចាន់មិនត្រូវបានគេបង្ហាញឱ្យដឹងក្តី ក៏ប៉ុន្តែរូបថតម៉ូតខាងក្នុងនាវានេះបានបង្ហាញថា វាត្រូវបានបង្កើតឡើងប្រកបដោយផាសុកភាពដ៏មហាកក់ក្ដៅបំផុត។
នាវានេះមានល្បឿន ៦០ គីឡូម៉ែត្រក្នុងមួយម៉ោង ប៉ុន្តែតម្លៃមិនត្រូវបានលាតត្រដាងឱ្យដឹងទេ៕
