ផ្កាស្បៃរឿងអាចយកមកប្រើប្រាស់សម្រាប់ធ្វើជាថ្នាំសំលាប់សត្វល្អិតបាន

ផ្កាស្បៃរឿងអាចយកមកប្រើប្រាស់សម្រាប់ធ្វើថ្នាំពុលនៅក្នុងកសិកម្មបាន ដែលមានវិធីសាស្ត្រដូចតទៅនេះ។

ផ្កាស្បៃរឿង មានផ្ទុកសមាសធាតុឈ្មោះ Thiophenes ដែលអាចបញ្ចេញក្លិនបណ្ដេញសត្វល្អិត និងទាក់ទាញសត្វល្អិតមានប្រយោជន៍។
1.ផ្នែកប្រើប្រាស់
– ផ្កា
– ដើម
2.វិធីផ្សំ និង វិធីប្រើប្រាស់ថ្នាំ
– បុកស្លឹក និង ផ្កាស្បៃរឿង 0.5 គីឡូក្រាម រួចដាក់ចូលក្នុងក្រឡ ឬ កែវ
– ចាក់ទឹក 1 លីត្រចូល រួចរក្សាទុក 1 យប់
– ច្រោះយកមេថ្នាំ មកលាយជាមួយទឹក 3 លីត្រ
– បន្ថែមទឹកសាប៊ូ 15 មីលីលីត្រ ចូលក្នុងថ្នាំ រួចកូរឲ្យសព្វ
– បាញ់ថ្នាំពុលលើរុក្ខជាតិ ដែលទទួលរងពីការបំផ្លាញដោយសត្វល្អិត
3. ប្រសិទ្ធភាពលើសត្វល្អិត
– ចៃ
– ដង្កូវ
ប្រភពពីៈ​ សៀវភៅបៃតង